RAPPORT TAL-KUMMISSJONI LILL-KUNSILL

IL-KUMMISSJONI EWROPEA Brussell, 28.10.2016 COM(2016) 676 final RAPPORT TAL-KUMMISSJONI LILL-KUNSILL dwar l-evalwazzjoni tad-direttiva tal-kunsill 92/83/KEE dwar l-armonizzazzjoni talistrutturi tat-taxxi tas-sisa fuq l-alkoħol u x-xorb alkoħoliku {SWD(2016) 336 final} {SWD(2016) 337 final} MT MT

WERREJ 1. INTRODUZZJONI... 3 2. SFOND... 3 3. L-EVALWAZZJONI TAD-DIRETTIVA... 4 3.1 Ambitu tal-evalwazzjoni... 4 3.2 Metodoloġija... 4 3.3 Riżultati tal-evalwazzjoni... 5 3.3.1 Il-funzjonament tajjeb tas-suq Intern, fejn jiġu evitati d-distorsjonijiet fil-kompetizzjoni... 5 3.3.2 Salvagwardja tal-interessi baġitarji tal-istati Membri... 6 3.3.3 Kost ta konformità u piżijiet amministrattivi - ambitu għal tnaqqis.. 7 3.3.4 Valur miżjud tal-ue - il-benefiċċji miżjuda għall-partijiet interessati biex jintlaħqu l-objettivi tad-direttiva fil-livell tal-ue... 7 3.3.5 Kemm id-direttiva twieġeb għall-ħtiġijiet tal-istati Membri u l- operaturi ekonomiċi... 8 3.3.6 Sa liema punt id-dispożizzjonijiet tad-direttiva 92/83/KEE huma koerenti mal-leġiżlazzjoni tal-ue u dik internazzjonali dwar iddazju tas-sisa fuq l-alkoħol u x-xorb alkoħoliku?... 9 4. RAKKOMANDAZZJONI TAL-EVALWAZZJONI... 10 4.1 Kwalità tal-evalwazzjoni... 10 4.2 Rakkomandazzjonijiet... 10 4.3 Status quo... 11 4.3.1 Dazju tas-sisa bbażat fuq is-saħħa alkoħolika... 11 4.3.2 Klassifikazzjoni... 12 4.3.3 Rati mnaqqsa għall-fabbrikanti żgħar tal-birra... 12 4.3.4 Rati mnaqqsa għad-distilleriji ż-żgħar... 12 4.3.5 Rati mnaqqsa u eżenzjonijiet għal prodotti speċifiċi fi Stati Membri speċifiċi... 12 5. KONKLUŻJONIJIET FINALI... 13 ANNESS I RAKKOMANDAZZJONIJIET TAL-EVALWAZZJONI ESTERNA... 14 2

1. INTRODUZZJONI Skont l-artikolu 22 1, il-paragrafu 7 tad-direttiva 92/83/KEE 2 dwar l-armonizzazzjoni talistrutturi tat-taxxi tas-sisa fuq l-alkoħol u x-xorb alkoħoliku (id-direttiva dwar l- istrutturi ), il-kummissjoni hija meħtieġa tirrevedi l-arranġament għal rati mnaqqsa għall-produzzjoni privata / il-konsum proprju tal-alkoħol fl-ungerija, ir-rumanija u s-slovakkja matul l-2015 u tirrapporta lill-kunsill dwar modifiki possibbli. Id-Direttiva bħala ħaġa waħda ilha ma tiġi evalwata mill-adozzjoni tagħha fl-1992, peress li ma jeżisti l-ebda rekwiżit li jsiru evalwazzjoni u rappurtar perjodiċi lill-kunsill minbarra fl- Artikolu 22. Minħabba l-impenn tagħha li tiżgura l-idoneità u l-prestazzjoni tar- Regolamentazzjoni (REFIT) taħt l-aġenda għal regolamentazzjoni aħjar tagħha, il- Kummissjoni ddeċidiet li tevalwa d-direttiva fit-totalità tagħha. Dan ir-rapport jippreżenta r-riżultati u l-konklużjonijiet ta din l-evalwazzjoni u jwieġeb għarrekwiżiti ta reviżjoni fid-direttiva. 2. SFOND Id-Direttiva 92/83/KEE tistabbilixxi r-regoli dwar l-istrutturi tad-dazju tas-sisa applikati għallalkoħol u x-xorb alkoħoliku. B mod partikolari, tiddefinixxi u tikklassifika t-tipi differenti ta alkoħol u xorb alkoħoliku, u tipprovdi qafas legali għal rati mnaqqsa f xi setturi, għalleżenzjonijiet u ċerti derogi. Id-Direttiva timmira li tiżgura l-funzjonament tajjeb tas-suq intern, inkluż l-evitar ta distorsjonijiet tal-kundizzjonijiet tal-kompetizzjoni, filwaqt li tiżgura l-moviment ħieles talprodotti f dan is-settur. Il-Kummissjoni hija impenjata li tiżgura li l-liġi tal-ue tkun xierqa u effettiva u li tikseb l-objettivi tagħha bl-inqas kost u piżijiet.. 1 L-Artikolu 22(7) L-Ungerija, ir-rumanija u s-slovakkja jistgħu japplikaw rata mnaqqsa ta dazju tas-sisa applikata fuq l-alkoħol etiliku prodott minn distilleriji ta dawk li jkabbru l-frott li jipproduċu aktar minn 10HL p.a. minn frott fornut lilhom minn impriżi ta dawk li jkabbru l-frott, limitat għal kull impriża għal 50 L ta spirtu tal-frott p.a. u destinat esklussivament għall-konsum proprju tagħhom. 2 Direttiva tal-kunsill 92/83/KEE tad-19 ta Ottubru 1992 dwar l-armonizzazzjoni tal-istrutturi tat-taxxi tas-sisa fuq l-alkoħol u x-xorb alkoħoliku 3

3. L-EVALWAZZJONI TAD-DIRETTIVA Il-Kummissjoni wettqet evalwazzjoni tal-funzjonament tad-direttiva, li kienet appoġġata minn studju komprensiv estern (minn issa l quddiem: l-istudju). 3 Wara konsultazzjoni mal-istati Membri, sar qbil li l-objettiv tal-evalwazzjoni għandu jkun li ssir valutazzjoni ta jekk il-leġiżlazzjoni twassalx għal kostijiet u piżijiet amministrattivi bla bżonn kemm għall-amministrazzjonijiet nazzjonali kif ukoll għall-operaturi ekonomiċi u li jiġu identifikati elementi li jistgħu jiġu ulterjorment ivvalutati bħala parti minn valutazzjoni tal-impatt fuq il-livell ta konformità u sigurtà fil-ġbir ta dazji tas-sisa fuq l-alkoħol u x-xorb alkoħoliku. L-evalwazzjoni bdiet f Diċembru 2014 u ġiet finalizzata f Lulju 2016. Grupp ta Tmexxija magħmul minn persunal mis-servizzi tal-kummissjoni rilevanti kollha ssorvelja t- twettiq tal-evalwazzjoni. L-evalwazzjoni ssegwi l-linji Gwida l-ġodda tad-19 ta Mejju 2015 4 dwar Regolamentazzjoni Aħjar li jkopru l-ħames kriterji ta evalwazzjoni ewlenin ta effettività, effiċjenza, rilevanza, koerenza u valur miżjud tal-ue. L-evalwazzjoni ġabret l-opinjonijiet tal-partijiet interessati permezz ta stħarriġ immirat u anki permezz ta konsultazzjoni pubblika miftuħa. L- evalwazzjoni hija ppreżentata f aktar dettall fid-dokument ta Ħidma tal-persunal tal- Kummissjoni li jakkumpanjaha. 3.1 AMBITU TAL-EVALWAZZJONI L-ambitu ta din l-evalwazzjoni hija valutazzjoni retrospettiva tal-funzjonament tad-direttiva taħt il-qafas legali ġenerali eżistenti. Hija tkopri d-dispożizzjonijiet kollha, middefinizzjonijiet ta kategoriji differenti ta xorb alkoħoliku għal finijiet ta dazju, rati mnaqqsa, eżenzjonijiet u dispożizzjonijiet leġislattivi oħra. Ir-rapport jikkonċentra esklussivament fuq strutturi ta dazji tas-sisa fuq l-alkoħol u x-xorb alkoħoliku, u ma jiddiskutix jew jiġbor flimkien bi kwalunkwe mod is-sejbiet mar-rekwiżiti mniżżla fid-direttiva 92/84/KEE dwar l-approssimazzjoni tar-rati tat-taxxa tas-sisa fuq l- alkoħol u x-xorb alkoħoliku ( id-direttiva tar-rati ). 3.2 METODOLOĠIJA L-evalwazzjoni kienet appoġġata minn studju komprensiv estern, inkluż: riċerka bbażata fuq id-dokumentazzjoni kwestjonarji ta stħarriġ - miftuħa għal tweġibiet bejn Awwissu u Novembru 2015 - għall-istati Membri (it-28 kollha wieġbu), operaturi ekonomiċi (323 tweġiba) u l- pubbliku / iċ-ċittadini tal-ue (328 tweġiba). 5 studji tal-każ immirati għall-amministrazzjonijiet tal-istati Membri (awtoritajiet tattaxxa/doganali/tal-finanzi u tas-saħħa) u l-operaturi ekonomiċi attivi fis-suq talalkoħol u/jew assoċjazzjonijiet, fl-oqsma tal-klassifika għal finijiet tat-taxxa tax-xorb alkoħoliku, applikazzjoni ta rati mnaqqsa għal produtturi ż-żgħar, il-funzjonament tal- 3 https://circabc.europa.eu/faces/jsp/extension/wai/navigation/container.jsp - konsorzju mmexxi minn Ramboll Management Consulting AS, Coffey and Europe Economics 4 http://ec.europa.eu/smart-regulation/guidelines/toc_guide_en.htm 4

eżenzjonijiet għal alkoħol denaturalizzat, eżenzjonijiet applikabbli għall-forniment ta produzzjoni għall-konsum proprju u koerenza tad-direttiva ma aspetti tas-saħħa. trijangolazzjoni u analiżi tad-dejta u l-feedback tfasslu serje ta rakkomandazzjonijiet biex jiġu indirizzati l-problemi identifikati. 3.3 RIŻULTATI TAL-EVALWAZZJONI 3.3.1 Il-funzjonament tajjeb tas-suq Intern, fejn jiġu evitati d-distorsjonijiet filkompetizzjoni Il-funzjonament tajjeb tas-suq intern fil-kuntest tal-istrutturi tas-sisa fuq l-alkoħol u x-xorb alkoħoliku, huwa mifhum li jinkludi tliet komponenti ċentrali: i) qafas ċar u konsistenti għad-dazji tas-sisa li għandhom jitħallsu fuq l-alkoħol u x-xorb alkoħoliku; ii) kondizzjonijiet ekwivalenti ta kompetizzjoni f termini ta kompetizzjoni bejn l- operaturi ekonomiċi; iii) riskju limitat ta ċirkomvenzjoni tad-dazju tas-sisa. B mod ġenerali, irriżulta li d-direttiva hija parzjalment effettiva fl-ilħuq ta dawn it-tliet objettivi. Permezz tal-armonizzazzjoni tal-istrutturi, l-approssimazzjoni tar-rati u d- definizzjoni tal-ambitu ta applikazzjoni tad-dazju tas-sisa, f livell ġenerali, id-direttiva tippermetti li l-kummerċ intra-ue jseħħ mingħajr ostakoli relatati mat-taxxa sinifikattivi għall-kummerċ, jew tfixkil kompetittiv maġġuri bejn l-operaturi ekonomiċi li jkunu qed joperaw fl-istess settur ta attività. Id-Direttiva tistruttura b suċċess it-tassazzjoni tax-xorb alkoħoliku fil-kategoriji speċifikati fid-direttiva 92/84/KEE li, min-naħa tagħha, tistabbilixxi rati tad-dazju tas-sisa minimi. Hemm regoli ċari fir-rigward tal-possibbiltà li jiġu stabbiliti rati mnaqqsa għall-produtturi żgħar jew għall-prodotti tal-alkoħol b saħħa baxxa. Dan jipprovdi qafas konsistenti għattassazzjoni tal-alkoħol. Minkejja din il-konklużjoni pożittiva ġenerali, hemm diversi punti fejn id-direttiva ma tipprovdix iċ-ċarezza legali meħtieġa, u l-kwistjonijiet li dan joħloq għandhom effett negattiv fuq il-funzjonament tas-suq intern. Il-klassifikazzjoni ta ċerti prodotti (li minnhom hemm potenzjalment mijiet f kull settur talprodotti) tibqa mhix ċara għax jistgħu jaqgħu fi kwalunkwe waħda minn bosta kategoriji, li jirriżulta fi trattament differenti fi Stati Membri differenti u f kumplikazzjonijiet meta dawn il-prodotti jkunu jridu jiġu trasportati bejn l-istati Membri. B mod simili, id-diffikultajiet li jeżistu fl-interpretazzjoni tad-dispożizzjonijiet għall-eżenzjoni tal-alkoħol denaturalizzat ifixklu l-funzjonament tajjeb tas-suq intern, peress li l-kundizzjonijiet għal tali eżenzjoni jvarjaw konsiderevolement bejn l-istati Membri. F'dak li għandu x'jaqsam mat-trattamenti kollha l-ebda Stat Membru mhu qed japplika r-regoli bl-istess mod bħal Stat Membru ieħor - eż. il-formulazzjoni nazzjonali ta Stat Membru wieħed, rikonoxxuta f territorju ieħor, l- abbiltà li tkun manifatturata l-formulazzjoni ta Stat Membru ieħor fit-territorju tagħhom, ilformulazzjonijiet ta denaturar ta pajjiżi terzi u l-prinċipju ġenerali tar-rikonoxximent reċiproku huma differenti mal-ue28 kollha. Fejn id-direttiva ma tistabbilixxix regoli ċari, hija tiżgura wkoll kundizzjonijiet simili għalloperaturi ekonomiċi mal-ue kollha. Il-prodotti tagħhom huma ntaxxati abbażi ta prinċipji li japplikaw fl-istati Membri kollha. Madankollu, in-nuqqas ta ċarezza fir-rigward tal- 5

eżenzjonijiet għal alkoħol denaturalizzat jagħti lok għal interpretazzjoni wiesgħa mill-istati Membri. Dan imbagħad iwassal għal żbilanċi fil-kompetizzjoni, minħabba li l-produtturi u l- utenti ta alkoħol denaturalizzat li jkunu jinsabu f xi Stati Membri għandhom għażla ferm usa ta formulazzjonijiet ta denaturalizzazzjoni minn dawk fi Stati Membri oħra. Barra minn hekk, il-leġiżlazzjoni tipprevjeni lill-istati Membri milli japplikaw b mod konsistenti rati mnaqqsa għall-produtturi żgħar fir-rigward tal-kategoriji kollha ta xorb alkoħoliku. Dan jillimita l-abbiltà tal-istati Membri li jikkoreġu żbilanċi potenzjali tas-suq fejn tali objettiv politiku jista kieku jkun ta benefiċċju li jiġi segwit. 3.3.2 Salvagwardja tal-interessi baġitarji tal-istati Membri Fir-rigward tat-telf potenzjali ta dazji tas-sisa għall-istati Membri, din l-evalwazzjoni kkunsidrat: i) frodi li jinvolvi alkoħol u xorb alkoħoliku, u speċifikament kemm qed iseħħ frodi li jinvolvi alkoħol denaturalizzat; ii) il-klassifikazzjoni ħażina potenzjali ta xorb alkoħoliku f kategorija tat-taxxa aktar baxxa milli riedu l-istati Membri. Id-dispożizzjonijiet tad-direttiva għall-iżgurar tad-denaturalizzazzjoni tal-alkoħol maħsub għal finijiet industrijali għandhom l-għan li jħarsu l-integrità tal-eżenzjoni, u jipprevjenu milli alkoħol bħal dan jiġi konvertit lura f alkoħol li jista jiġi kkunsmat. B mod ġenerali, id-dejta disponibbli dwar il-frodi uriet li l-użu ħażin tal-eżenzjoni għal alkoħol denaturalizzat jirrappreżenta proporzjon baxx ħafna tal-frodi totali relatat mal-alkoħol. Dan minħabba li ħafna Stati Membri ma jiġbrux u / jew ma janalizzawx id-dejta sal-livell ta dettall meħtieġ biex isir ġudizzju bbażat fuq l-evidenza. Madankollu, fi ftit Stati Membri, is-sejbiet jissuġġerixxu li l-frodi b alkoħol denaturalizzat mhijiex trivjali. Investigazzjoni ulterjuri - b ħidma mal-awtoritajiet nazzjonali bħall-protezzjoni tas-saħħa u tal-konsumatur li jistgħu filfatt jiġbru dejta dwar prodotti illeċiti mneħħija mis-suq - tkun meħtieġa biex jiġi identifikat jekk dan il-frodi jistax jiġi intraċċat lura għal nuqqas fid-direttiva u jekk bħala riżultat ta dik l-investigazzjoni, jkunx meħtieġ jiġi definit l-alkoħol denaturalizzat, kif inhu manifatturat u użat sabiex jikkwalifika għall-eżenzjoni, u l-operaturi ekonomiċi jkunu mitluba jużaw formulazzjonijiet ta denaturalizzazzjoni li ma jistgħux jitneħħew faċilment u mingħajr spejjeż kbar mill-prodott. Huwa ċar li l-ambigwitajiet fid-direttiva attwali huma responsabbli għall-interpretazzjoni wiesgħa tar-regoli. Jekk dan jistax jiġi relatat ma frodi jista jintwera biss b riċerka aktar estensiva mal-awtoritajiet non-fiskali. Ġew identifikati bosta tipi ta prodotti differenti li l-klassifikazzjoni tagħhom mhijiex waħda sempliċi, u li possibbilment jistgħu jiġu assenjati għal żewġ kategoriji ta' taxxa jew aktar differenti. Il-problema tinsab fil-qalba ta x inhi d-definizzjoni korretta ta xarba fermentata. Xi wħud minn dawn il-prodotti (eż. xarbiet ibbażati fuq l-inbid b alkoħol etiliku miżjud) tqiesu bħala manifatturati deliberatament b tali mod sabiex jittieħed vantaġġ / isir abbuż minn kategorija ta taxxa favorevoli. Minbarra milli jinħolqu distorsjonijiet kompetittivi, jekk ma jiġux ipprovduti definizzjonijiet klassifikatorji mhux ambigwi l-istati Membri jistgħu jitilfu d- dħul. L-istudju wettaq riċerka preliminari dwar kif il-kategoriji ta klassifikazzjoni li huma differenti jaffettwaw il-ġbir tad-dħul, iżda dak li huwa meħtieġ issa hija eżaminazzjoni ulterjuri tal-impatt li kwalunkwe tibdil potenzjali f dawk il-klassifikazzjonijiet kieku jkollu fuq il-qligħ attwali tal-ue 28, meta t-tnejn ikunu affettwati. Din tkun tinvolvi analiżi dettaljata tas-setturi tal-prodotti ewlenin, u eżerċizzju biex dawn jiġu klassifikati mill-ġdid taħt kull kategorija ġdida potenzjali. 6

3.3.3 Kost ta konformità u piżijiet amministrattivi - ambitu għal tnaqqis Id-Direttiva 92/83/KEE ma timponix direttament kostijiet ta konformità fuq l-operaturi ekonomiċi. Billi tinkludi ċerti prodotti fl-ambitu tad-dazju tas-sisa, hija indirettament tissoġġetta lil dawk is-setturi għad-dispożizzjonijiet tad-direttiva 2008/118/KE 5, li tistabbilixxi r-regoli u l-kundizzjonijiet għaż-żamma u l-moviment ta prodotti soġġetti għal dazju tas-sisa. L-evalwazzjoni tad-direttiva 92/83/KEE identifikat bosta oqsma fejn l-applikazzjoni taddispożizzjonijiet tad-direttiva qed tirriżulta f kostijiet ogħla kemm għall-operaturi ekonomiċi kif ukoll għall-istati Membri. B konsegwenza ta' dan, qiegħed jiġi konkluż li d-direttiva hija ineffiċjenti, bl-aktar mod speċifiku fl-oqsma tal-klassifikazzjoni ta xorb fermentat ieħor, u l- eżenzjoni applikata għall-alkoħol denaturalizzat. Dawn il-kostijiet amministrattivi u ta konformità miżjuda identifikati huma r-riżultat talkumplikazzjonijiet, it-tilwim u l-applikazzjoni inkonsistenti tad-dispożizzjonijiet tad-direttiva li jirriżultaw minn sitwazzjonijiet fejn il-partijiet interessati ma jaqblux dwar l- interpretazzjoni nazzjonali korretta tagħhom. In-numru ta eżempji li jappoġġaw din ilvalutazzjoni, flimkien mal-firxa ġeografika tagħhom, jindika li dawn il-kumplikazzjonijiet huma r-riżultat ta nuqqas tad-direttiva milli tipprovdi ċarezza suffiċjenti għall-partijiet interessati. Fil-qosor, kwistjonijiet dwar il-klassifikazzjoni ta prodotti li ġew identifikati bħala diffiċli biex jiġu kklassifikati u l-ġestjoni ta eżenzjonijiet għal alkoħol denaturalizzat qed jirriżultaw f'kostijiet ogħla, bħal garanziji miżjuda f xi Stati Membri għall-moviment ta alkoħol denaturalizzat, il-kostijiet biex jiġi riżolt tilwim legali, u l-manipulazzjoni tar-regoli ta klassifikazzjoni li tirriżulta f differenzi fil-prezzijiet. 3.3.4 Valur miżjud tal-ue - il-benefiċċji miżjuda għall-partijiet interessati biex jintlaħqu l-objettivi tad-direttiva fil-livell tal-ue L-evalwazzjoni vvalutat il-valur miżjud tal-istabbiliment ta regoli komuni fil-livell tal-ue għall-klassifikazzjoni ta xorb alkoħoliku, l-għoti ta rati mnaqqsa għall-produtturi ż-żgħar, u l-eżenzjoni ta alkoħol denaturalizzat mill-ambitu tad-dazju tas-sisa. Is-sejbiet ta dan l-istudju juru biċ-ċar li sistema mifruxa mal-ue kollha biss tista tipprovdi l- uniformità u l-kundizzjonijiet armonizzati li huma meħtieġa biex ikun żgurat il-funzjonament tajjeb tas-suq intern. Ma kienx ikun possibbli li jinkisbu l-istess riżultati f termini ta effettività u effiċjenza - aħseb u ara riżultati aktar pożittivi - permezz ta approċċ alternattiv bilaterali jew internazzjonali. Barra minn hekk, l-interpretazzjonijiet diverġenti tad-direttiva mill-partijiet interessati juru li l-effettività tagħha tista titjieb bl-espansjoni tal-approċċ fil-livell tal-ue. B mod ġenerali, l-evidenza miġbura turi li t-tipi kollha ta partijiet interessati jappoġġaw b saħħa approċċ fil-livell tal-ue fir-rigward tad-dazju tas-sisa ntaxxat fuq l-alkoħol u x-xorb 5 Id-DIRETTIVA TAL-KUNSILL 2008/118/KE, tas-16 ta Diċembru 2008 dwar l-arranġamenti ġenerali għaddazju tas-sisa u li tħassar id-direttiva 92/12/KEE. 7

alkoħoliku, li min-naħa tiegħu, jiffaċilita l-kummerċ, jipprevjeni distorsjonijiet kompetittivi, inaqqas il-kostijiet amministrattivi u jipprevjeni l-frodi. 3.3.5 Kemm id-direttiva twieġeb għall-ħtiġijiet tal-istati Membri u l-operaturi ekonomiċi Din il-parti fittxet li tifhem jekk id-dispożizzjonijiet tad-direttiva kif ifformulati għadhomx jissodisfaw il-ħtiġijiet tal-istati Membri u l-operaturi ekonomiċi. B'konsegwenza ta' dan, ġie vvalutat: (i) (ii) (iii) jekk il-ħtiġijiet li d-direttiva ppruvat tindirizza għadhomx jeżistu; sa liema punt evolvew dawk il-ħtiġijiet, u kif; jekk l-arranġamenti jissodisfawx il-ħtiġijiet attwali. Filwaqt li fl-aħħar għoxrin sena sar progress kbir biex jiġi stabbilit is-suq Intern, l-objettivi tad-direttiva li tipprovdi qafas legali ċar u konsistenti, filwaqt li tiżgura kompetizzjoni ġusta u tnaqqas ir-riskju li jkun evitat id-dazju tas-sisa għadhom rilevanti ħafna. F dan il-kuntest, ilforniment ta regoli komuni fir-rigward tal-intaxxar ta dazju tas-sisa fuq l-alkoħol u x-xorb alkoħoliku baqa importanti. Ġie kkunsidrat jekk l-objettivi tal-istati Membri evolvewx fir-rigward tal-impożizzjoni ta dazju tas-sisa fuq l-alkoħol, billi llum jistgħu jinkludu wkoll l-objettiv li jiġu influwenzati d- drawwiet tal-konsum tal-alkoħol permezz ta aġġustamenti fir-rati tad-dazju tas-sisa. Filprattika, ftit Stati Membri biss semmew objettivi tal-politika tas-saħħa b rabta mar-rilevanza ġenerali tad-dispożizzjonijiet; għaldaqstant ma tista tinstilet l-ebda konklużjoni definittiva f dan il-qasam. Madankollu, fi kwalunkwe proċess ulterjuri għandhom jiġu inklużi kunsiderazzjonijiet ta saħħa pubblika. B mod ġenerali, id-dispożizzjonijiet speċifiċi tad-direttiva ġew irrappurtati mill-partijiet interessati li jikkorrispondu mal-ħtiġijiet tagħhom. L-assenjar tal-alkoħol u tax-xorb alkoħoliku għal kategoriji differenti għal finijiet tad-dazju tas-sisa għadu rilevanti. Minkejja li xi Stati Membri (u produtturi tal-ispirti b mod partikolari) argumentaw favur tassazzjoni bbażata fuq is-saħħa tal-alkoħol iżda mingħajr kategoriji ta prodotti speċifiċi, l-evidenza turi li ż-żamma ta kategoriji differenti hija importanti biex jiġu preżervati tradizzjonijiet soċjokulturali (eż. il-produzzjoni u l-konsum kontinwi ta prodotti tradizzjonali ta spiss magħmula minn ingredjenti naturali mkabbra f post partikolari), u b appoġġ għall-ħolqien jew ilpreżervazzjoni ta impjiegi, prattiki u snajja tradizzjonali. Is-sejbiet jiżvelaw li hemm xi dispożizzjonijiet li jidher li ma għadhomx meħtieġa, bħar-regoli fl-artikolu 28 6 għar-renju Unit li dak l-istat Membru ma għadux japplika. Ir-Renju Unit indika li ma jqisx id-dispożizzjoni bħala rilevanti għall-ħtiġijiet attwali tiegħu. Fl-interess talċarezza, din id-dispożizzjoni tista titneħħa fil-kuntest ta reviżjoni potenzjali tad- Direttiva 92/83/KEE. 6 Ir-Renju Unit ma għadux japplika l-eżenzjoni għal aromatiċi morri b'saħħa alkoħolika reali minn 44,2 sa 49,2 % vol., li jkun fihom 1,5 % sa 6 % skont il-piż ta ġenzjana, ħwawar u ingredjenti aromatiċi oħra u minn 4 sa 10 % skont il-piż taz-zokkor, ikkunsinnati f kontenituri li jesgħu 0,2 litri jew inqas ta prodott, u xorb abbażi ta xgħir ikkonċentrat li t-tferrigħ tax-xgħir tiegħu qabel il-fermentazzjoni kien ta gravità speċifika ta 1 200 tal-gravità Oriġinali (47 Plato) jew aktar. 8

Barra minn hekk, peress li diversi Stati Membri introduċew dazji tas-sisa pożittivi fuq l-inbid, l-ommissjoni ta rati mnaqqsa għall-produtturi żgħar tal-inbid u ta xorb fermentat ieħor ma tistax tiġi ġġustifikata aktar. Fl-aħħar, kien hemm dubju dwar ir-rilevanza ta rati mnaqqsa għal prodotti ta saħħa alkoħolika baxxa. Analiżi ulterjuri fl-istadju tal-valutazzjoni tal-impatt tkun meħtieġa għal kwalunkwe konklużjoni dwar jekk dawn ir-rati mnaqqsa jikkorrispondux mal-prattiki nazzjonali relatati mal-objettivi tal-politika tas-saħħa, u jekk jikkorrispondux ma kwalunkwe wieħed mill-objettivi ġenerali mniżżla fid-direttiva u identifikati fil-kriterji ta evalwazzjoni. Speċifikament, rati mnaqqsa għal prodotti intermedji u għal alkoħol etiliku rari jintużaw mill- Istati Membri, u l-ewwel u qabel kollox jistgħu jkunu qed idgħajfu l-objettivi taddispożizzjoni, peress li mingħajr ma jridu, jistgħu jkunu qed iżidu l-konsum ta prodott li jibbenefika mir-rata mnaqqsa fil-kategorija ta dazju proprja tiegħu minkejja li s-saħħa alkoħolika tiegħu tkun fil-fatt ogħla minn dik ta prodott simili f kategorija ta dazju differenti. 3.3.6 Sa liema punt id-dispożizzjonijiet tad-direttiva 92/83/KEE huma koerenti malleġiżlazzjoni tal-ue u dik internazzjonali dwar id-dazju tas-sisa fuq l-alkoħol u x-xorb alkoħoliku? L-evalwazzjoni vvalutat il-koerenza esterna tad-direttiva mal-leġiżlazzjoni tal-ue u ma ftehimiet internazzjonali. Minħabba li d-direttiva ġiet adottata aktar minn 20 sena ilu, sar xi tibdil fil-leġiżlazzjoni anċillari. Madankollu, dan it-tibdil ma jdgħajjifx il-koerenza taddispożizzjonijiet. Filwaqt li hemm numru ta referenzi fid-direttiva għal leġiżlazzjoni oħra tal-ue u għal kodiċijiet NM li jeħtieġ li jiġu aġġornati, minbarra żewġ punti deskritti hawn taħt, l-inkonsistenzi identifikati ma ġewx irrappurtati li qed jikkawżaw xi problema prattika sinifikanti. Żewġ punti fir-rigward tal-koerenza qed joħolqu problemi għall-operaturi ekonomiċi, jiġifieri l-kodiċijiet NM għall-alkoħol denaturalizzat, u t-trattament tal-prekursuri tal-inbid: L-Istati Membri mhux qed jużaw il-kodiċijiet NM għall-alkoħol denaturalizzat b mod konsistenti. Filwaqt li hemm kodiċi NM għall-alkoħol denaturalizzat (2207 20), għadd ta kodiċijiet oħrajn qed jintużaw għal prodotti partikolari li jista jkun fihom alkoħol denaturalizzat. Dan jista jkollu impatt fuq il-kundizzjonijiet li japplikaw għall-moviment ta dawn il-prodotti, kif ukoll fuq l-abbiltà tal-istati Membri li jimmonitorjaw u jikkontrollaw ilmovimenti. Żewġ Stati Membri rrappurtaw kwistjonijiet bit-trattament tal-prekursuri tal-inbid (jiġifieri l-most u l-meraq li jkunu ser jiġu mibdula f inbid). Id-Direttiva ma tiddefinixxihomx bħala prodotti soġġetti għas-sisa, iżda (f'dawn iż-żewġ Istati Membri) il-prattika hija li jistgħu jitmexxew għal taħt is-sistema Kompjuterizzata tal-movimenti u tal-kontrolli Intrakomunitarji ta Prodotti Soġġetti għas-sisa (EMCS). Bħalissa ma jeżisti l-ebda rekwiżit legali li jsir dan. Ma nstabet l-ebda inkonsistenza bejn id-direttiva u l-ftehimiet internazzjonali. 9

4. RAKKOMANDAZZJONI TAL-EVALWAZZJONI 4.1 KWALITÀ TAL-EVALWAZZJONI Il-Kummissjoni eżaminat bir-reqqa l-istudju li jappoġġa l-evalwazzjoni u qieset ukoll ilfeedback li rċeviet mingħand il-partijiet interessati. Il-ħidma mwettqa mit-tim talevalwazzjoni kienet konformi mal-linji gwida dwar regolamentazzjoni aħjar tal- Kummissjoni. 7 Il-ġudizzji u l-konklużjonijiet fl-istudju nkisbu direttament mis-sejbiet abbażi tal-evidenza miġbura. Sabiex tiġi żgurata r-robustezza tas-sejbiet, l-istudju uża diversi metodi għall-ġbir tad-dejta, inkluż stħarriġ, intervisti, riċerka bbażata biss fuq id-dokumentazzjoni u studji tal-każ. B mod ġenerali din it-taħlita metodoloġika kienet meqjusa bħala suffiċjenti mill-kummissjoni. 4.2 RAKKOMANDAZZJONIJIET Abbażi tal-evidenza miġbura, l-evalwaturi ressqu 17-il rakkomandazzjoni bil-ħsieb li jittejjeb il-funzjonament tal-qafas regolatorju dwar l-istrutturi tad-dazju tas-sisa fuq l-alkoħol u x-xorb alkoħoliku. Dawn huma ppreżentati f Anness I għal dan ir-rapport. 7 http://ec.europa.eu/smart-regulation/guidelines/toc_guide_en.htm 10

Il-Kummissjoni eżaminat ir-rilevanza ta kull waħda mir-rakkomandazzjonijiet u sabet li dawn li ġejjin jistħoqqilhom kunsiderazzjoni ulterjuri. Madankollu, mhuwiex l-għan ta dan ir-rapport ta evalwazzjoni li jagħmel rakkomandazzjonijiet għall-ġejjieni. Il-Kummissjoni għalhekk tagħmel il-valutazzjoni provviżorja li ġejja. Konklużjonijiet aktar definiti għallġejjieni sejrin jiġu deċiżi fid-dawl ta kwalunkwe reazzjoni mill-parlament Ewropew, il- Kunsill, il-partijiet interessati jew partijiet interessati oħra. Ir-rakkomandazzjonijiet 1, 3, 4, 5, 6, 7, 8 u 10 jissuġġerixxu l-ħolqien ta definizzjonijiet aktar preċiżi / ċarezza akbar fil-leġiżlazzjoni biex titnaqqas l-inċertezza legali, jiġu evitati approċċi differenti fi Stati Membri differenti kif ukoll sabiex tiġi evitata d-distorsjoni tassuq intern. L-indirizzar ta dawn ir-rakkomandazzjonijiet ikollu impatt fuq il-parametri ta ħidma ta rakkomandazzjonijiet oħrajn u jista jieħu prijorità. L-għan tar-rakkomandazzjonijiet 9, 11, 12 u 13 huwa li ssir aktar riċerka dwar l-impatti li jħallu l-estensjoni tal-ambitu u / jew li jsir titjib f dawn l-oqsma. Ir-rakkomandazzjonijiet 14, 15 u 16 huma dwar tibdil tekniku minuri li jista jiġi indirizzat matul reviżjoni possibbli tad-direttiva. Ir-rakkomandazzjonijiet l-oħra huma meqjusa li jaqgħu barra mill-ambitu ta reviżjoni possibbli tad-direttiva tal-kunsill 92/83/KEE jew li huma relatati indirettament biss magħha. Dawn jinkludu: Ir-rakkomandazzjoni 2 hija aktar rilevanti għad-direttiva tal-kunsill 2008/118/KE tas- 16 ta Diċembru 2008 dwar l-arranġamenti ġenerali għad-dazju tas-sisa. Ir-Rakkomandazzjoni 17 - dwar it-trattament tas-sisa tal-prekursuri tal-inbid, eż. meraq talgħeneb u most tal-għeneb. Din ma għandha l-ebda bażi attwali la fid-direttiva 92/83 u lanqas fid-direttiva 2008/118/KE, peress li l-prekursuri tal-inbid mhumiex prodotti soġġetti għad-dazju tas-sisa. Għalhekk, id-dispożizzjonijiet dwar iż-żamma u l-moviment ma jistgħux jiġu estiżi biex jinkluduhom, lanqas ma tista tiġi definita bażi legali f liġi sekondarja għal dawn il-prodotti fi kwalunkwe waħda mid-direttivi tal-istrutturi jew ir-rati għat-tassazzjoni tal-alkoħol. 4.3 STATUS QUO Minbarra r-rakkomandazzjonijiet għat-teħid ta azzjoni li huma ppreżentati fl-anness I għal dan ir-rapport u deskritti fit-taqsima preċedenti, l-evalwaturi jressqu wkoll rakkomandazzjonijiet biex jinżamm l-istatus quo f ċerti oqsma. Dawn l-oqsma huma elenkati u spjegati f din it-taqsima. 4.3.1 Dazju tas-sisa bbażat fuq is-saħħa alkoħolika 11

4.3.2 Klassifikazzjoni Is-sistema attwali ta klassifikazzjoni tax-xorb alkoħoliku għall-finijiet tas-sisa tippermetti lill- Istati Membri li jużaw ir-regoli tal-ue biex jinkiseb sett multi-dimensjonali ta għanijiet ta politika nazzjonali li jinkludi kemm objettivi ekonomiċi kif ukoll objettivi tas-saħħa. Minkejja li diversi gruppi ta' partijiet interessati esprimew l-opinjoni li l-istrutturi tad-dazji tas-sisa fuq ix-xorb alkoħoliku jkunu ssimplifikati li kieku d-dazju jiġi applikat b'mod uniformi għax-xorb alkoħoliku kollu li huwa soġġett għad-dazju tas-sisa, abbazi tas-saħħa alkoħolika tiegħu, xorta ma tantx huwa probabbli li bidla fundamentali bħal din għallistrutturi tad-dazji tas-sisa li telimina l-kategoriji tas-sisa attwali u torbot id-dazju tas-sisa malkontenut tal-alkoħol, tkun fattibbli biex tiġi implimentata u biex tikseb eżiti sodisfaċenti għallpartijiet interessati rilevanti kollha. Minħabba li l-maġġoranza tal-istati Membri u tal-partijiet interessati oħrajn għandhom opinjonijiet b'saħħithom dwar kemm hu adattat l-istatus quo, kif ukoll l-eżitu inċert tal-impatti potenzjali (pożittivi jew negattivi) ta kull tibdil potenzjali għal dan ir-reġim, ikun aħjar li kiekuu l-kummissjoni tikkonċentra fuq it-titjib tal-funzjonament tas-sistema fi ħdan il-qafas attwali. 4.3.3 Rati mnaqqsa għall-fabbrikanti żgħar tal-birra Ir-riċerka uriet li mhux l-istati Membri kollha jagħmlu użu mill-artikolu 4.1 sal-punt massimu ta 200,000 hl. Madankollu, il-biċċa l-kbira tal-istati Membri fil-fatt jipprovdu rati mnaqqsa għall-fabbrikanti ż-żgħar tal-birra; żewġ Stati Membri biss esprimew skuntentizza fir-rigward tal-limitu disponibbli. Peress li ma hemm l-ebda evidenza li tissuġġerixxi li dawk l-istati Membri li ma jagħmlux użu sħiħ mid-dispożizzjoni qed jiġu milquta b mod negattiv jew bla bżonn mill-applikazzjoni tad-dispożizzjoni fi Stati Membri oħrajn, u meta jitqies il-livell limitat ta kunsens favur kull tip ta' bidla, jista' jkun aktar għaqli li kieku jinżammu l-limiti applikabbli eżistenti. 4.3.4 Rati mnaqqsa għad-distilleriji ż-żgħar Ir-riċerka mwettqa f din l-evalwazzjoni tissuġġerixxi li l-limitu kwantitattiv ta 10 hl (20 hl f ċirkustanzi speċjali) ta alkoħol pur prodott minn distilleriji żgħar, li taħtu, l-istati Membri jistgħu jagħtu rati mnaqqsa (l-artikolu 22.1), jista jkun baxx wisq biex ikollu impatt imdaqqas fuq is-suq intern. Għaldaqstant jista jkun li hemm lok biex jogħla l-limitu sabiex tiżdied l-effettività tal-artikolu. Madankollu, kien hemm indikazzjoni li 13 mit- 28 Stat Membru qiesu li dan il-limitu huwa xieraq, filwaqt li żewġ Stati Membri biss ma qablux. Għalhekk ma rriżultax daqshekk ċar jekk għandhiex issir bidla leġiżlattiva jew le f dan il-qasam. 4.3.5 Rati mnaqqsa u eżenzjonijiet għal prodotti speċifiċi fi Stati Membri speċifiċi 12

Dawk l-istati Membri li talbu, u ngħataw, derogi speċjali mill-applikazzjoni tad-direttiva jixtiequ ferm li dawnjinżammu sabiex ikunu jistgħu jkomplu jippruvaw jilħqu diversi objettivi ta politika fuq livell nazzjonali. Peress li ma hemm l-ebda evidenza li tissuġġerixxi li dawk id-derogi joħolqu xi effett negattiv sinifikanti fis-suq tal-ue in ġenerali, fl-istati Membri ġirien jew fl-istati Membri fejn japplikaw, ikun aktar xieraq jekk jinżamm l-istatus quo f dan ir-rigward. 5. KONKLUŻJONIJIET FINALI L-impożizzjoni ta taxxi fuq il-konsum ta prodotti, bħal dazji tas-sisa fuq l-alkoħol u x-xorb alkoħoliku, la għandu jwassal għal distorsjoni tal-kompetizzjoni u lanqas ma għandu jxekkel il-possibbiltà li l-prodotti jiċċirkolaw b mod ħieles fl-ue f suq intern li jaħdem tajjeb. Din l- evalwazzjoni eżaminat kwistjonijiet ta effettività, effiċjenza, rilevanza, koerenza u valur miżjud tal-ue u l-piż amministrattiv li jirriżulta mid-direttiva 92/83/KEE sabiex ikun żgurat li l-leġiżlazzjoni tal-ue dwar l-istrutturi ta dazji tas-sisa fuq l-alkoħol u xorb alkoħoliku tikseb l-objettivi ta politika tagħha bl-inqas sforz. B mod ġenerali, l-evalwazzjoni sabet li l-prinċipji ġenerali li jiddefinixxu l-istrutturi attwali tal-alkoħol u x-xorb alkoħoliku jippermettu għal kundizzjonijiet newtrali ta kompetizzjoni. Fl-istess ħin, is-sejbiet tal-evalwazzjoni juru li hemm xi distorsjonijiet fis-suq intern, u li huma ta dannu tant sinifikanti li jinħtieġ li l-kummissjoni taġixxi fuqhom. L-evalwazzjoni identifikat kostijiet amministrattivi u ta konformità bla bżonn għallamministrazzjonijiet tat-taxxa u l-operaturi ekonomiċi. Dawn il-kostijiet jirriżultaw minn ċerti definizzjonijiet li jistgħu jwasslu għal inċertezza legali dwar it-trattament ta prodotti speċifiċi. Finalment, id-direttiva uriet li hija effettiva u ġeneralment adattata biex tippermetti l-ġbir adegwat tad-dazji tas-sisa għall-maġġoranza l-kbira tal-partijiet interessati. 13

ANNESS I RAKKOMANDAZZJONIJIET TAL-EVALWAZZJONI ESTERNA8 Nu mr Rakkomandazzjoni u Rakkomandazzjonijiet relatati mal-klassifikazzjoni 1 Għandu jiġi ċċarat l-ambitu tal-applikazzjoni tal-kategorija tas-sisa ta xorb fermentat ieħor Għandu jinħoloq kodiċi ta kategorija tas-sisa ieħor fis-sistema tal-movimenti u tal- Kontrolli Intrakomunitarji ta Prodotti Soġġetti għas-sisa (EMCS): L-Anness II, it- 2 Tabella 11 (Prodott tas-sisa) tar-regolament 684/2009 għandha tinkludi żewġ Kodiċijiet ta Prodott tas-sisa addizzjonali (EPC, Excise Product Codes): wieħed għal xorb fermentat mingħajr gass minbarra inbid u birra, u ieħor għal xorb fermentat bil-gass minbarra inbid u birra. 3 Għandu jiġi ċċarat il-kunċett ta kollu kemm hu ta oriġini ffermentata fit-tifsira tal-artikoli 8, 12(1) u 17 4 Għandha tiġi ċċarata l-interpretazzjoni tal-artikolu 3.1 fir-rigward tal-applikazzjoni tad-dazju tas-sisa fuq il-birra b referenza għan-numru ta ettolitri/gradi Plato. Rakkomandazzjonijiet relatati mal-eżenzjonijiet Għandhom jitkomplew l-isforzi għar-reviżjoni tal-kompożizzjoni tal-formulazzjoni 5 denaturalizzanti Euro għal alkoħol kompletament denaturalizzat (CDA, completely denatured alcohol) Għandha tkun żgurata interpretazzjoni komuni tar-rikonoxximent reċiproku fir-rigward talkundizzjonijiet 6 li taħthom jistgħu jintużaw il-metodi ta denaturalizzazzjoni elenkati fir- Regolament 162/2013 għal denaturalizzazzjoni totali. 7 Għandu jiġi żgurat fehim komuni ta liema prodotti jistgħu jkunu eżentati taħt l-artikolu 27.1 (b) 8 9 Għandu jkun żgurat approċċ konsistenti lejn l-eżenzjonijiet applikati għal alkoħol denaturalizzat li jkun dieħel fl-ue minn pajjiż terz Għandha ssir riċerka ulterjuri fir-rigward tal-volum u l-valur ta frodi li jirriżulta mill-abbuż tależenzjonijiet għall-alkoħol denaturalizzat. 10 Għandhom jiġu implimentati miżuri mmirati lejn fiduċja reċiproka akbar bejn l-istati Membri. Rakkomandazzjonijiet relatati ma rati mnaqqsa Għandha tiġi kkunsidrata l-estensjoni tal-applikazzjoni ta rati mnaqqsa għal produtturi 11 żgħar ta inbejjed bla gass u bil-gass, minbarra xorb fermentat u prodotti intermedji. Għandu jiġi investigat ulterjorment il-punt sa liema d-dispożizzjonijiet dwar rati mnaqqsa għal 12 alkoħol b saħħa baxxa jistgħu jappoġġjaw objettivi ta politika stabbiliti mill-ġdid. Rakkomandazzjonijiet relatati mal-produzzjoni privata / konsum proprju Għandhom jiġu investigati l-impatti fil-każ li l-istati Membri jitħallew jeżentaw il-produzzjoni 13 ta alkoħol etiliku u prodotti intermedji għal konsum proprju. Rakkomandazzjonijiet relatati ma referenzi skaduti / ġestjoni tajba Għandha tiġi żgurata l-koerenza tad-definizzjoni ta xorb bil-gass mad-definizzjoni użata għal 14 finijiet doganali Ir-referenzi fid-direttiva għal-leġiżlazzjoni u l-kodiċijiet NM skaduti għandhom jiġu 15 aġġornati 16 Tneħħija tal-artikolu 28 14

Nu mr Rakkomandazzjoni u 17 Għandha tiġi investigata l-ħtieġa li jkun iċċarat it-trattament tal-prekursuri tal-inbid 15